Naganatha Swamy Temple | கேது| கீழப்பெரும்பள்ளம் 5
Naganatha Swamy Temple ,
கேது பகவான் :
Naganatha Swamy Temple
ராகு, கேதுவிற்கு உரிய தலங்களில் வழிபட்டால் திருமணத்தடைகள் அகலும், குடும்ப ஒற்றுமை, கணவன் – மனைவி உறவு, நாகதோஷம் விலகும். இரட்டைக்கிரங்கள் என்பதால் இந்த இரு கிரகங்களுக்கும் சேர்த்தே பரிகாரங்கள் செய்யப்படுகின்றன.
மயிலாடுதுறை மாவட்டம் கீழப்பெரும்பள்ளம் (Kelaperumpallam) என்ற ஊரில் அமைந்துள்ள நாகநாதர் கோவில் (Kelaperumpallam Naganathar Temple) நவகிரக கோவில்களில் கேதுவிற்கு உரிய தலமாக (Ketu Sthalam) விளங்குகிறது. நாயன்மார்களால் வைப்புத்தலம் என போற்றப்படும் தலம் இதுவாகும்.Naganatha Swamy Temple
கேது பகவான் :
நவகிரகங்களில் மற்றொரு நிழல் கிரகம் கேது. கேதுவுக்கு அதிபதி விநாயகர் பெருமான். கேது பகவானை ஞானக்காரகன் என்பர். ராகுவைப் போலவே கேதுவுக்கும் சொந்த வீடு கிடையாது.
தான் அமர்ந்த வீட்டையே சொந்த வீடாக எடுத்துக் கொள்வார். கேது சூரியனை ஒரு முறை சுற்றி வர 18 1/2 ஆண்டுகள் எடுத்துக் கொள்ளும். கேதுவின் தசாபுத்தி காலம் ஏழு ஆண்டுகள்.
அசுவினி, மகம், மூலம் ஆகியவை கேதுவின் நட்சத்திரங்கள். கேது பகவான் செவ்வாயைப் போல செயல்படுவார் என்பதால் மேஷம், விருச்சிகம், கடகம், சிம்மம், தனுசு, மீனம் லக்னக்காரர்களுக்கு கேது நன்மை செய்வார்.
ஜோதிடத்தில் கேது பகவான் மாற்றங்களைத் தரும் கிரகம் எனக் குறிப்பிடப்படுகிறார். இடமாற்றம் என்பது கேதுவின் காரகத்துவம், வேலையில் மாற்றம், வீடு இடமாற்றம், மன மாற்றம், வெளிநாடு யோகம் போன்றவைகளை கேது பகவான் ஏற்படுத்துவார்.
ஆன்மீக ஈடுபாட்டையும் உருவாக்குபவர். வாழ்க்கையை புரட்டிப் போட்டு நல்லதை கெட்டதாகவும், கெட்டதை நல்லதாகவும் தலைகீழாக மாற்றுபவர் கேது பகவான்.
கேதுவிற்கான சிறந்த பரிகாரத் தலமாக தமிழகத்தில் நாகப்பட்டினம் மாவட்டம், கீழப்பெரும்பள்ளம் எனும் ஊரில் அமைந்துள்ள அருள்மிகு நாகநாதர் திருக்கோயில் விளங்குகிறது.
இத்தலத்தின் மூலவர் நாகநாத சுவாமிகள். தாயார் சௌந்தர்யநாயகி. தல விருட்சம் மூங்கில். இங்கே அமைந்துள்ள தீர்த்தம் நாகதீர்த்தம். இத்திருக்கோயில் சோழ மன்னர்களால் கட்டப்பட்டது.
கேதுவுக்கு அதிபதி விநாயகப் பெருமான். இத்தலத்தில் உள்ள விநாயகர் அனுக்கிரக விநாயகர் என்ற திருநாமத்தில் அருள்பாலிக்கிறார். இங்கே கேது பகவான் தனி சன்னதியில் மேற்கு நோக்கி இருக்கிறார்.
பாம்புத் தலையுடனும், மனித உடலுடனும் சிம்ம பீடத்தில் இரு கைகூப்பி சிவன் சன்னதியை வணங்கிய கோலத்தில் காட்சி தருகிறார். ஜாதக ரீதியாக நாகதோஷம் உள்ளவர்கள் முதலில் நாகநாதரையும், பின்னர் கேதுவையும் வழிபட வேண்டும்.
கேது பகவானுக்குரிய செவ்வரளி மலர் வைத்து, கொள்ளு சாதம் நைவேத்தியம் படைத்து, ஏழு தீபம் ஏற்றி வணங்குவது இத்தலத்தில் விசேஷம். கேது இங்கு பிரதான மூர்த்தி என்பதால் நவகிரக சன்னதி இல்லை.
கேது சன்னதிக்கு அருகில் இரண்டு சூரியன் சிலைகளும், சனீஸ்வரர் சிலையும் உள்ளன. இங்கே உள்ள சூரியனுக்கு உத்ராயண புண்ணிய காலத்தில் ஒரு சூரியனுக்கும், தெட்சிணாயன புண்ணிய காலத்தில் மற்றொரு சூரியனுக்கும் விசேஷ பூஜை நடைபெறுகிறது.
நவகிரகங்களில் ஒருவராக திகழும் கேது பகவான் மனித உடலும், பாம்பு தலையும் கொண்டவராக உள்ளார்.
கடுமையான காரிய தடங்கல், ஞானம், மோட்சம், மாந்திரீகம், கொலை, சிறை தண்டனை பெறுதல், புண்ணிய தலங்களுக்கு செல்லுதல், மகான்கள் தரிசனம், விநாயகர் வழிபாடு ஆகியவற்றிற்கும் காரணமாக அமைபவர் கேது பகவான்.
நிகழ் கிரகமாக கருதப்படும் கேது திசை ஒருவர் ஜாதகத்தில் குழந்தை பருவத்தில் நடந்தால் குறும்புத்தனம் அதிகம் இருக்கும். வாலிப பருவத்தில் நடந்தால் போராடி முன்னேறும் குணம் இருக்கும்.
ஆன்மீகம், புண்ணிய காரியங்களில் அதிக நாட்டம் இருக்கும். மருத்துவம், வேதம் ஓதுதல் ஆகியவற்றிற்கும் இவரே காரணமானவராக உள்ளார்.
இவருக்குரிய தானியம் கொள்ளு. கேதுவிற்கு கொள்ளு படைத்து வழிபட்டால் குறையாத மருத்துவ செலவுகள், தீராத நோய்கள் ஆகியன தீரும்.
விநாயகரை வழிபட கேதுவால் ஏற்படும் கெடு பலன்கள் குறையும். கீழப்பெரும்பள்ளம் தவிர காளஹஸ்தி, திருவாரூர் மாவட்டம் திருப்பாம்புரம், திருநாகேஸ்வரம்,
புதுச்சேரி மணக்குள விநாயகர் கோவில், திருச்சி மலைக்கோட்டை விநாயகர், பிள்ளையார்பட்டி, மதுரை முக்குருணி விநாயகர், காஞ்சிபுரம் சித்ரகுப்தன் கோவில் ஆகியன கேது பரிகார தலங்களாக விளங்குகின்றன.Naganatha Swamy Temple
சிறப்பு ஹோமம்
அருள்மிகு நாகநாதர் சுவாமி திருக்கோயிலில் ராகு, கேது பெயர்ச்சியன்று சிறப்பு ஹோமம் நடத்துகிறார்கள். இந்த ஹோமத்தை அர்ச்சகர்களே செய்கிறார்கள். இதில் கலந்து கொள்ள பக்தர்களுக்கு கட்டணம் ஏதும் கிடையாது.
கேதுவுக்குரிய எண் 7 என்பதால் 16 விதமான பூஜைகள் செய்து, 7 லட்சம் ஜெப மந்திரங்கள் சொல்லியும், அதன் பின்னர்
கொள்ளு தானியம், கொள்ளினால் செய்யப்பட்ட பாயாசம், சூர்ணம், வடை, சாதம், பொங்கல் மற்றும் கொள் உருண்டை என 7 விதமான நைவேத்யங்களை ஹோமத்தில் இடுகின்றனர்.
பக்தர்கள் 16 விதமான தானங்களை அந்தணர்களுக்கு செய்வதன் மூலம் சிறந்த பலன்களைப் பெறலாம் என்பது ஐதீகம்.
சிறப்பு ஹோமம் நடைபெறுகின்ற தினத்தில் சுமார் 7 ஆயிரம் பக்தர்களுக்கு அன்னதானமும் நடைபெறுகிறது. அன்னதானத்திற்கு தேவையான பொருட்களை பக்தர்கள் கோயில் நிர்வாகத்திடம் முன்னதாக வழங்கலாம் என்று கூறப்படுகிறது.
Naganatha Swamy Temple :
கேது காயத்ரி மந்திரம் :
ஓம் அஸ்வத்வஜயா வித்மஹே
சூலஹஸ்தாய தீமஹி
தன்னக் கேதுஹ் ப்ரசோதயாத்
கோவில் தனிச்சிறப்புக்கள் :
* வாசுகி பாம்பிற்காக சிவன் அருள் செய்த தலம்
* கேது, சிவனை வழிபட்டு பலன் பெற்ற தலம்
கோவில் பற்றிய விபரம் :
| மூலவர் | நாகநாதர் |
| உற்சவர் | சோமாஸ்கந்தர் |
| தாயார் | செளந்தர்யநாயகி |
| தல விருட்சம் | மூங்கில் |
| தீர்த்தம் | நாகதீர்த்தம் |
வரலாறு :
மரணம் இல்லாத நிலையை அடைவதற்காக மகாவிஷ்ணுவின் ஆலோசனையின் பேரில் அசுரர்களும், தேவர்களும் சேர்ந்து பாற்கடலை கடைந்தனர். மார்தவ மலையை மத்தாக்கி,
வாசுகி பாம்பினை கயிறாக்கி தேவர்கள் ஒரு புறமும், அசுரர்கள் மறுபுறமும் இருந்து பாற்கடலை கடைந்தனர். மகாவிஷ்ணு, கூர்ம அவதாரம் எடுத்து மார்தவ மலையை தனது முதுகில் தாங்கினார்.
பல காலமாக பார்கடலை கடைந்ததால் வாசுகி பாம்பு, வலி தாங்காமல் விஷயத்தை உமிழ துவங்கியது. இதனால் முதலில் ஆலகால விஷம் வெளிப்பட்டது. அதில் இருந்து தங்களை காப்பாற்றும் படி தேவர்கள்,
சிவ பெருமானை வேண்டினர். அவரும் விஷயத்தை தான் அருந்தி, உலக உயிர்களை காப்பாற்றினார். ஆனால் இந்த சம்பவத்தால் வாசுகி மிகுந்த வேதனை அடைந்தது. தான் செய்த பாவம் போக சிவ பெருமானிடம் வேண்டியது.
வாசுகியின் பக்தியை கண்டு மகிழ்ந்த சிவ பெருமான் அதற்கு காட்சி கொடுத்து, வாசுகியின் விருப்பத்தின் பேரில் இத்தலத்தில் நாகநாதராக கோவில் கொண்டார்.
கேது பரிகார தலம் :Naganatha Swamy Temple
தேவர்களை வரிசையாக அமர வைத்து தன்வந்திரி அமிர்தத்தை வழங்கிய சமயத்தில், தேவர்கள் வரிசையில் மாறுவேடத்தில் அமர்ந்த அசுரன் ஒருவனும் அமிர்தத்தை பெற்று குடித்தான்.
இதை சூரியனும், சந்தினும் கண்டுபிடித்து விட்டனர். இதை அறிந்து கோபமடைந்த மகாவிஷ்ணு, தனது கையில் உள்ள சுதர்சன சக்கத்தால் அந்த அசுரனின் உடலை இரண்டாக வெட்டினார்.
அமிர்தத்தை உண்ட பலனால் மரணமடையாமல் தலை பகுதிக்கு பாம்பின் உடலும், உடலுக்கு பாம்பின் தலையும் கிடைக்கிறது.
இவர்களையே ராகு – கேது என்கிறோம். இவர்கள் சிவ பெருமானை வழிபட்டு நவகிரகங்களில் ஒருவராக இணைந்தனர். கேது இத்தலத்திற்கு வந்து நாக தீர்த்தத்தை நீராடி, சிவனை வழிபட்டு, பலன் பெற்றதால் இத்தலம் கேது தலமாக போற்றப்படுகிறது.
சனீஸ்வரரின் அருளைப் பெற சனிக்கிழமையில் சொல்ல வேண்டிய சனீஸ்வரன் அஷ்டோத்திரம்
கோவில் அமைப்பு :
தட்டையான ராஜகோபுரத்தை கொண்ட இக்கோவில் ஒற்றை பிரகாரத்தை கொண்டது. ஆரம்பத்தில் இக்கோவில் சோழர்களால் கட்டப்பட்டதாகவும், பிறகு நாயக்கர்கள் காலத்தில் புனரமைத்து விரிவுபடுத்தப்பட்டதாக சொல்லப்படுகிறது.
கோவிலுக்குள் சென்றதும் முதல் சன்னதியாக கேதுவிற்கு தனி சன்னதி உள்ளது. கேது, மூலவரான நாகநாதரை வழிபட்ட நிலையில் காட்சி தருகிறார்.இத்தல விநாயகர், அனுகிரக விநாயகர் என அழைக்கப்படுகிறார்.
இக்கோவின் கருவறையும், கோபுரமும் கிழக்கு பார்த்த நிலையிலும், மற்ற நுழைவாயில்கள் அம்பாள் சன்னதியை நோக்கி தெற்கு பார்த்த படியும் அமைந்துள்ளன. அம்பாள், சுப்பிரமணியர், கஜலட்சுமி, பைரவர் ஆகியோருக்கு தனி சன்னதி உள்ளது.
பிரார்த்தனை :
நாகதோஷம், திருமணத்தடை அகல, தொழில் சிறக்க, தம்பதியர் ஒற்றுமை, ஆயுள் அதிகரிக்க, தலைமுறை சிறக்க நாகநாதரையும் கேது பகவானையும் வழிபடுகின்றனர்.
கேது பகவானுக்கு கொள்ளு சாதம் நைவேத்தியமாக படைத்தும், பல வர்ண வஸ்திரம் சாத்தியும் வழிபடுகிறார்கள்.
திருவிழாக்கள் :
சிவராத்திரி, ஐப்பசி அன்னாபிஷேகம், பங்குனியில் வாசுகி உற்சவம் ஆகியன சிறப்பாகக் கொண்டாடப்படுகிறது. ராகு – கேது பெயர்ச்சி விழா பெரிய விழாவாக கொண்டாடப்படுகிறது.
கோவில் திறந்திருக்கும் நேரம் :
காலை 6 மணி முதல் பகல் 1 மணி வரையிலும், மாலை 3.30 மணி முதல் இரவு 8.30 மணி வரையிலும் கோவில் திறந்திருக்கும்.
முகவரி :
அருள்மிகு நாகநாத சுவாமி திருக்கோவில் (கேது தலம்),
கீழப்பெரும்பள்ளம் – 609 105,
மயிலாடுதுறை மாவட்டம்.